"الطيبون والطيبات " للشيخ / محمود المصري .. حلقات متجددة ومميزة [الأرشيف]

مشاهدة النسخة كاملة : "الطيبون والطيبات " للشيخ / محمود المصري .. حلقات متجددة ومميزة

أم الأيهم

20-05-2008, 10:53 AM

http://www.yesmeenah.com/smiles/smiles/49/d4%20(3).gif (http://www.yesmeenah.com)

عودة الحب إلى البيوت

برنامج على قناة الرسالة للشيخ / محمود المصري حفظه الله

أسأل الله تعالى أن ينفعكم بما قدمه الشيخ الداعية محمود المصري بالفعل هو برنامج هادف ومميز أتمنى منكم قراءة حديثه بتمعن لتستفيدوا بالدرجة الأولى وتعم السعادة والهناء بيوتكم وتكون عامرة بالحب والألفة ..

أختكم أم الأيهم

http://www.yesmeenah.com/smiles/smiles/38/1%20(143).gif (http://www.yesmeenah.com)

السلام عليكم ورحمة الله وبركاته.. بسم الله والحمد لله والصلاة والسلام على رسول الله صلى الله عليه وسلم.. أما بعد فمرحبا بإخواني وأخواتي وأهلي وأحبابي.. مرحبا

بكم في لقاءنا الأسبوعي مع "الطيبون والطيبات"

وأسأل الله عز وجل أن يجمعنا جميعا مع الطيبين والطيبات، مع سيد ولد آدم صلى الله عليه وسلم في جنة الفردوس

التي فيها ما لا عين رأت، ولا آذنا سمعت، ولا خطر قلب بشر.

مرحبا بإخواني وأخواتي وآبائي وأمهاتي أحبكم في الله وربنا يجمعنا وإياكم على خير وتعالوا نكمل مع بعض عودة الحب لبيوت المسلمين.. أسأل الله عز وجل أن ينير

بيوتكم بالمحبة والمودة والألفة والسرور وأن يجعل حياتكم كلها سعادة اللهم آمين.

http://www.yesmeenah.com/smiles/smiles/38/1%20(143).gif (http://www.yesmeenah.com)

قلنا يا جماعة عايزين الحب يرجع للبيوت، لأسباب كتيرة جدا:

أولها: إن الزوج والزوجة لما يكون البيت، ما شاء الله مليئ بالحب بفضل الله سبحانه وتعالى يعني بيكون عنصر فعال ونافع أو منتج جدا في بلده ونافع لنفسه وأسرته

ولبلده ودينه.. يعني بيكون ماشاء الله تكون الحالة النفسية مهيئة أن يستطيع أن ينتج ويكون عنصر فعال ومؤثر في المجتمع دي حاجة.

الحاجة الثاني: إن الزوج يستطيع أن يغير كل حاجة في البيت، والزوجة في إيدها تغير كل حاجة في البيت، بالحب وعشان كده قلنا في الحلقة اللي فاتت، بدل ما تشتكي

من زوجتك وبدل ما زوجتك تشتكي منك ما نزود جرعة الحب بين الزوج والزوجة ونزد جرعة الحب من الزوجة للزوج.. اطلب اللي انته عايزه تلقيها بتقدملك عينها عن

طيب خاطر بفضل الله سبحانه وتعالى.

http://www.yesmeenah.com/smiles/smiles/38/1%20(143).gif (http://www.yesmeenah.com)

قلنا يا جماعة إن تعبير الزوج عن الحب لزوجته تعبير الزوجة عن حبها للزوج يختلف من الاثنين بمعنى إيه يعني الزوجة تحب ديما تسمع كلمة بحبك من الزوج طبعا

حقها ده حلالها يعني الزوج أحيانا يكون مايعرفش يعبر عن الكلمة، لكن بيعبر بالفعل بمعنى زوجته مريضة يروح يوديها ويكشف عليها ويدها العلاج ويعتني بها يهتم بها

يجبلها أكلها شربها سعيد جدا.. وهو بيخلها تروح تزور أسرتها سعيد جدا بإنه يقدملها أي حاجة هي محتاجلها, سعيد إنه يعمل أي حاجة ترضيها لكن هي تظن إن الكلام

ده برضه مبيعبرش عن حب لأ هو بيعبر عن حب بس بأفعال لكن هي محتاجة كلمة علاج الموضوع ده إن الزوج يعامل الزوجة بعقلية الزوجة مش بعقلية الزوج، ولذلك

عمر بن الخطاب بيقول إيه؟ أحب أن يكون الرجل في بيته كالصبي الصغير، فإن أرادوه رجلا وجدوه رجلا، يعني خليك مع زوجتك كأنك صبي صغير تعامل معها بذوق

وبعاطفة معينة وبأسلوب معين ولما تريد رجل تلاقيك رجلا بفضل الله سبحانه وتعالى عشان كده علاج الموضوع ده إن الزوج من وقت، للتاني يا جماعة لسانه لا يفطر

عن كلمة بحبك، مش هيخسر حاجة الكلام مش عليه جمارك بل أنت، مأجور وتعتبرها صدقة تتصدق بها على زوجتك ربنا يبارك فيك يا رب طيب تعالوا إن شاء الله

هننتظر طبعا تليفوناتكم في الكلام عن نفس الموضوع عودة الحب للبيوت، إحنا مش محتاجين فاصل خلاص يعني نحن نتكلم إن شاء الله عن عودة الحب للبيوت، إن شاء

الله في عندك مشكلة طيب نطلع فاصل صغير ونرجع حالا إن شاء الله فانتظرونا السلام عليكم ورحمة الله وبركاته .

http://www.yesmeenah.com/smiles/smiles/38/1%20(143).gif (http://www.yesmeenah.com)

يتبع

أم الأيهم

20-05-2008, 11:03 AM

هنتكلم عن الزوج وهنقول إيه اللي مطلوب من الزوج لازم يعمله تجاه الزوجة علشان الحب يرجع مرة ثانية للبيوت، نقول البادرة من باب قول النبي صلى الله عليه

وسلم: "استوصوا بالنساء خيرا" ومن باب قول النبي صلى الله عليه وسلم الله الله في النساء يعني اتقوا الله في النساء ومن

باب قول النبي صلى الله عليه وسلم: "خيركم خيركم لأهله وأنا خيركم لأهلي "صلى الله عليه وسلم

http://www.yesmeenah.com/smiles/smiles/38/1%20(143).gif (http://www.yesmeenah.com)

أول حاجة حبيبي في الله عشان الحب يرجع مرة تانية لبيتك إنك تخبر زوجتك بإنك أنت، بتحبها هتقول إنها عرفة أنا عارف إن هي عارفة بس هي بتحب تسمع الكلمة دي

في كل لحظة يقول صلى الله عليه وسلم إذا أحب أحدكم أخاه فليعلمه أنه يحبه.. الحديث رواه أحمد والترمذي بسند صحيح في رواية خد بالك بقى في رواية فإنه أثبت، في

الألفة.. خد بالك بقى فإنه أبقى في الألفة وأثبت، في المودة يعني ده يخلي المودة تثبت، في قلوب الزوج والزوجة ده الكلام بالنسبة للأخ وأخوه في الله، فما ظنك إذا كان ما

بين زوج وزوجته اللي هي سكنه وحبيبته وزي ما بيقول النصف الحلو، وربنا يبارك فيكم جيمعا ويحفظكم هتقول طيب أصل أنا حصل عندي شوية فطور كده من ناحية

الزوجة بسبب بعض المشاكل أو أو أقولك حبيبي في الله عند المخرج يجوز لك أن تكذب على الزوجة في الأمور العاطفية فقط يعني لو قالت لك بتقبض قام أنت، بقبض

خمس الالآف متقلش بقبض خمسمائة كده تحسب كذب إنما لو مثلا من باب المودة والمحبة عشان تستمر الحياة ونستطيع أن نكمل حياتنا الأسرية.. أنت عندك فطور من

ناحيتها شوية بتحبني يا فلان طبعا يا حبيبتي بحبك وربنا ميحرمناش منك يجوز لك أنك تكذب في هذا الوقت، طبعا الستات، هايسمعونا النهاردة كل واحدة تشك في زوجها بعد

كده يقول لها تقلك بحبك يقول لها بحبك تقول بس ما هو الشيخ قال يجوز إنك تكذب علي لا طبعا ربنا يبارك فيكي,, برده الزوجة دى لزم تكون ذكية حتي لو هي حسه إن

الكلمة طلعة من وراء قلبه ماتحسسوش بكده تقبل الكلمة وتبقه سعيدة بيها وتقول له جزآك الله خير لما يكون الزوج جاي من بره شاري أكل ولا حاجة لو الأكل معجبهاش

لازم تقول له إن الأكل مش عجبني وأنت، كل مرة بينتحك عليك خليكي ذكية أقبلي الكلمة كما هي غلفيها بسلوفان من المودة و المحبة.. أقبلي الهدية تخيلي حضرتك لو

زوجك جبلك هدية مثل جبلك ساعة فبيقول لكي إيه رأيك يا حبيبتي في الساعة و تقولي لا طبعا مش حلوة.. أنا ما كنتش عيزها سودة أنا عيزها حمراء طيب معلش اقبليها

دي هدية يعني واخده بالك يعني مهواش حاجة يعني هدية اقبلي الهدية كما هي زي الهبة التي يهبها الله عز وجل لعباده.. ربنا رزق انسان بأنثى ميقولش لا يارب أنا كنت

عايز ولد.. دي هدية هبة هبة من الله سبحانه وتعالي ومش من حاك أن تشترط ولا تقول لا انا كنت، عايزها كذا و هكذا فيجوز ولذلك النبي صلي الله عليه و سلم يقول كما

في الصحيحين: "ليس الكذب الذي يصلح بين الناس فينوي خيرا ويقول خيرا" خدوا بالكم بقى في روية مسلم تقول أم كلثوم بنت، عقبة بن أبي معيط قالت: ولم أسمعه

صلي الله عليه وسلم يرخص في شي ممن يقول الناس إلا يعني في هذا الأشياء الكذب إلا في ثلاث في الحرب و الإصلاح بين المتخاصمين.. وحديث الرجل امرأته وحديث

المرآة زوجها إن الإنسان مثلا لو في حرب.. واحد أتأثر في دولة كافرة.. وبيقوله هاه قلي الأسرار العسكرية بتاعت بلدك هو عارفة طبعا مش هيقولهم هيقول كلام تاني

خالص عشان يتوهم مش معقول يخرب بلده يعني فيجوز في هذا الوقت الكذب.

http://www.yesmeenah.com/smiles/smiles/38/1%20(143).gif (http://www.yesmeenah.com)

الحاجة الثانية: إصلاح بين المتخاصمين فلان مخاصم فلان أخويا المسلم حبيبي وأخويا المسلم حبيبي متخصمين مع بعض.. عايز أصلح ما بينهم أروح لأولاني بقى أنت

زعلان من فلان.. الراجل دا لراجل بيشكر فيك وبيعزك وبيحبك، وكان جاي عايز يصلحك على فكرة بس هو خاف ليجيلك يصلحك ترده طبعا مش هرده طب أروح أطمنه..

روح طمنه فيروح للتاني تخيل فلان راجل بيحبك ومكسوف يجي يصلحك لأحسن ترده.. أنا معقول تروح مو ألف بين قلب هذا وقلب هذا جميل قوي الإصلاح بين

المتخاصمين.. دي عبادة عظيمة جدا جدا من أعظم العبادات، التي تتقرب بها إلى الله سبحانه وتعالى.. تاني حاجة الإصلاح بين المتخاصمين الحاجة الثالثة حديث الرجل

لامرأته واحد قاعد مع زوجت، يقول كلمتين حلوين حتى لو من ورى قلبه يا أخي سبحان الله لحد ما ربنا يكرمك وتقولها من قلبك يعني ديناة وعبادة لله وقربة تتقرب بها إلى

الله سبحانه وتعالى.. زوجتك دي أسيرة في بيتك إن لم تجد الإكرام منك والمعزة والمحبة والمودة هاتلقيها من أين؟ وسامحني يعني خلينا نتكلم بصراحة يعني زوجتك لو مش

هاتسمع الكلام الحلو ده منك هتروح تسمع من أين؟ هتروح تشحته هتروح تسمع كلام في الحرام طبعا لا يبقى لازم تقول الكلام ده وربنا يكرمك واحتسب حتى لو مالكش

نفس تقول كلمة حلوة.. قولها الكلمة الحلوة واحتسب أنك تقولها لها عشان تدخل عليها السعادة والنبي صلى الله عليه وسلم.

http://www.yesmeenah.com/smiles/smiles/38/1%20(143).gif (http://www.yesmeenah.com)

ماتصلي على الحبيب صلى الله عليه وسلم يقول أحب العمل إلى الله سرور تدخله على مسلم يا أخي دا أي سرور وشف النبي صلى الله عليه وسلم جبها في صيغة النكرة..

أي حاجة لا تحقرن من المعروف شيئا ولو أن تلقى أخاك بوجه طليق.

يبقى إذن لو قلتلها كلمة بس من باب إدخال السعادة عليها ربنا يدخل عليك السعادة ويكرمك آخر إكرام بفضل الله سبحانه وتعالى ومن ناحية ثانية، لازم تكون الزوجة ذكية

بمعنى إن هي لازم تكون ذكية إنها تخلي الزوج يحبها آه في زوجه ما شاء الله عندها حسن تبعل.. وعندها قدرة أنها تخلي الزوج ده يوقل.. يعني مفيش غيرها هي دي اللي

كان نفسي فيها ربنا يكرمها وميحرمنيش منها وتلقيه يدعوا لها وفرحان بها وبيحبها وسعيد بها آخر سعادة يعني أديك مثال بسيط خالص كان مرة واحدة عيشه مع زوجها

هو كان بيحبها جدا وهي كانت، بتحبه جدا وحصل ما بنهم شيء من الفطور هي حست، إن زوجها مبقاش يحبها زي الأول.. أو ممكن كان بيتهيألها أحيانا بعض النساء

ممكن يكون متهيألهم.. يكون الزوج مشغول بره مطحون في الشغل في مشاكل في مش قادر يقول كلام زي ما كان بيقول زمان فهي تظن إنه مبقاش يحبها المهم راحت

رايحه لواحد شيخ وهي فهمة المسألة غلط فقالت له: يا عم الشيخ ربنا يكرمك أنا عايزاك تعملي كده عمل ولا تحويطة ولا حجاب أحطة تحت، المخدة.. ولا تحت المرتبة

عشان يرجع يحبني مرة ثانية فقال لها: يا ستي أنا لا مبعملش حجبات، ولا حاجه.. فاغتنمها فرصة ولا أقولك عايزاني أعملك حجاب؟ قالت: آه.. قال: روحي هتيلي شعراية

أعزكم الله من عين القرد وأنا أعملك حتة حجاب يخلي زوجك ده يقع في دباديبك ويحبك حب.. يعني أبدي.

قالت: بجد؟ قال: بجد. بس روحي هتيلي بس.. قعدة تفكر بع ما مشيت، أجيب ازاي الشعراية من عين القرد ده.. أول ما روح للقرد ده ممكن يهبشني يعورني قعدت تفكر تفكر

لحد ما وصلت، لحل إنها تروح حديقة الحيوان أعزكم الله تجيب شوية سداني على شوية مش عارف إيه على شوية موز يعني الحجات اللي القرود بيحبوها.. وراحت عند

جبلاية القرود وقعدت، تديله موزاية وتعمل شوية سداني مش عارف إيه لحد مابتد إيه القرد يقرب لها شوية كده وخد عليها بدأت، كل يوم تروح تزور القرد ده وتديله الأكل

ده لحد مخلاص يعني بقت، فيه صداقه يعني واخد بالك.. فالمهم إيه قدر ربنا سبحانه وتعالى لحد مرة من المرأة القرد مقرب لها وهي بتديله الموزة لقت عنيه قريبه منها

راحت، شد الشعراية وراحت، جارية. جريت على الشيخ كأنها إيه يعني خلاص جابت غنيمة كأنها اكتشفت، كنز دخلت، عم الشيخ ربنا يبارك فيك الحمد لله تيسرت، وأدي

شعرايت القرد.. قال لها: يانهار أبيض أنت عرفتي تجيبي شعرايت القرد من عينيه؟!! قالت: آه.. قال: عملت إيه يا بنتي، قالت: عملت، كذا وكذا.. وقعد أسبوعين كاملين كل

يوم أجيب أكل وقعد أهزر معاه وألعبه واعمل لحد لما جات لحظة ورحت، خطفة الشعراية.. قال لها: يعني عرفتي تجيبي شعرايه من عين القرد ومش عارفه تراضي

زوجك.. يعني خد بالك المسألة عملة الزاي هو طبعا لا هيعمل حجاب ولا حاجة الكلام ده كله حرام.. يعني حب يعرفها بس يعني اللي خلاكي عملتي الأفلام دي كلها علشان

تجيبي شعراية من عين القرد مش قدرة تراضي زوجك بكلمتين بحاجة حلوة.. بمعاملة طيبة باستقبال كويس.. بحسن تبعل بتزين بتوضيب بيت، بتنضيف أولاد بهدية حلوة

ببسمة جميلة حجات بسيطة مش هاتكلفك حاجة أختنا خليكي زكية ازاي تعرفي تكسبي قلب زوجك وده اللي هنتكلم فيه إن شاء الله.. إن ربنا أحيانا المرة اللي جاية عشان

نشوف قد إيه ازاي تكون الزوجة زكية وأنا قلت لكي إن الزوج ده طفل كبير عايز كلمة حلوة تكسبي به كل حاجة.. أحيانا الزوجة عايزة تطلب من زوجها حاجة فتيجي تكلمه

هو نازل مثلا متنساش وأنت جاي تجبلي موبايل بكاميرا مثلا هو لو في دماغة جيبها مش موبايل هو لو في دماغة يجبها عربية، على الزوج مش هجيب حاجة إنما لما

تتكون بأدب كده حبيبي ربنا يبارك فيك إن كان مفيش أي مشكلة عندك.. أنا مش عايزه أثقل عليك والله إنما لو كان تأذنلي بس تجبلي موبايل بكاميرا وأنت جاي يبقى جزآك

الله خيرا، ماجبتش والله العظيم أنا يعني كفاية دخلتك عليا.. الراجل وهو رايح نفسه مفتوحه بقة يا سلام شوف الذوق شوف الأخلاق شوف الأسلوب نفسه وجمال الأسلوب،

وهو نازل لقي موبايل بكاميرا بخمس مائة جنية والتاني بألف وخمس مائة جنيه والله مش خساره فيها.. والله العظيم لجبها أبو ألف وخمس مائة جنيه بالكلمة الحلوة.. إنما

لو سمع الكلمة الثاني ولو رجعت، بقى يا حبيبي من غير الموبايل شوف اللي هيفتحلك مثلا يعني أنت، عارف إيه يعني ربنا يعافينا.

http://www.yesmeenah.com/smiles/smiles/38/1%20(143).gif (http://www.yesmeenah.com)

المهم فطبعا لما يلاقي كده والله لو نزل لقي موبايل بخمسة جنيه ما هيجيبوه .. الأسلوب يا أخي ربنا يبارك فكي اطلبي اللي أنت، عايزاه بأسلوب جميل ربنا يبارك فكي يا رب

يتبع بإذن الله

أم الأيهم

20-05-2008, 11:25 AM

نكمل معاً حديث الطيبون والطيبات

http://www.yesmeenah.com/smiles/smiles/38/1%20(143).gif (http://www.yesmeenah.com)

.. طب نكمل اللمسات الحانية في البيت، يا جماعة مهمه أوي أوي مهم جدا هي مش هتكلفنا حاجة هتخسر إيه وانت، داخل السلام عليكم يا حبيبتي.. قبلها في جبينها يعني

المعاملة الحلوة مجرد إنك تلمس إيديها سبحان الله!!

إنتوا عارفين مراكز الأعصاب بتاعة الجسم ليها طرف في الأيد وطرف في الرجل.. خدوا بالكم من حاجة الإنسان هو بيسلم تشعر بمدى دفئ الحب اللي في قلبه من لمسة

إيده.. بجد أنا سعات بسلم على واحد بحس بدفئ غريب وأنا إيدي في إيده.. سبحان الله تشعر إن في تلامس.. ولذلك النبي عليه الصلاة والسلام لما قال: "ما من مسلمين

يتقابلين فيتصافحا إلا تحاتت، خطاياهم كما يتحاتى أوراق الشجر" بتتساقط الذنوب تخيل حاجة زي كده تخيل بقى لو كنت بتسلم على زوجتك اللي النبي وصاك بها "الله الله في

النساء خيركم خيركم لأهله وأنا خيركم لأهلي" سلم عليها واضغط على إيدها بس متلعبش معها يعني رست، تكسرها يعني، يعني اضغط عليها وسلم عليها سلام حب كده،

وقبلها وعاملها أحسن معامله وأنت داخل خلي كلامك متحلي بكلمة بحبك.. السلام عليكم يا حبيبتي عاملة إيه؟ طمنيني عليكي.. الأكل جاهز يا روح قلبي.. طيب ماتنسيش

المية يعني خلي كلامك كده.. والله العظيم ما هتخسر حاجة.. ومش هايكلفك أي حاجة.. وأنت قاعد معاها على الأكل يا ريت حتى وأنت مش على الأكل أحيانا الزوجة تحتاج

إنها تحس إنها غالية عند الزوج.

http://www.yesmeenah.com/smiles/smiles/38/1%20(143).gif (http://www.yesmeenah.com)

بصلها من غير ما تتكلم يعني وأنت قاعد كده مش لازم تكون عايز منها حاجة ومش لازم تكون بتاكل معها ولا أي حاجة وأنت قاعد قدمها كده بصلها واسكت، اللي هما

سامحوني يعني اللي هما الناس الحبيبة اللي بيسمهوها لغة العيون.. استخدم لغة العيون بس في الحلال مش في إنك تنظر لوحدة لا تحل لك ده محرم {قُلْ لِلْمُؤْمِنِينَ يَغُضُّوا

مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ}.. {وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ} لأ.. بص لزوجتك لأن مشكلة المشاكل

إن كتير من الأزواج بعد ما يتزوج يفتكر إن غض البصر بيشمل الزوجة.. فيغض بصره عن الزوجة وبعضهم مايرضاش يبتسم لأنه بيظن إن الأسنان عورة.. لأ حبيب في الله

أسنانك مش عورة ابتسم مع زوجتك وبصلها ولما تقعد معاها على الأكل خد بالك حاول تأكلها.

http://www.yesmeenah.com/smiles/smiles/38/1%20(143).gif (http://www.yesmeenah.com)

فكرت مرة تأكل زوجتك؟! ما هي لها إيدين تأكل أنا عرف إن له إيدين تاكل وله رجلين تمشي.. لكن هي تحتاج إنها تحس إنك تطلع اللقمة كده وخدي دي مني يا حبيبتي فاهم

إزاي.. عين إيه الله لها معنا كبير أوي أحيانا وأقولك على حاجة صغيره.

http://www.yesmeenah.com/smiles/smiles/38/1%20(143).gif (http://www.yesmeenah.com)

واحد كان متخاصم مع زوجته والخصام طال أوي.. والمسألة يعني مابقاش مستحمل يعني جه في مرة حط الأكل لا بيكلمها ولا بتكلمه راح مغمس لقمه وقال لها: عشان

خاطري خدي ديه من إيدي فخدت، اللقمة فراحت، ضاحكة فراح ضاحك.. خلص الموضوع في لقمة.. أنا بديك الحل، آه في بدل ما تروح تجيب أسورة الماظ ولا بتاع لقمة

وخلص المضوع بدري.. بدل ما يوصل إلى أساور وغوايش.. والكلام ده كله وأنت قاعد معاها حبيبي في الله اختار لها اسم دلع.. يا لوله يا سمسم يا سمسمة يا بألظة دلع

زوجتك حبيبتك.. يا أخي ما أنا قلت لك من الأول إذا تسمع الكلام الحلو ده منك هاتسمع من أين قولها كلمة حلوة؟ دلعها اختار لها اسم جميل ولما تعمل أكل.. أنا عرف طبعا

إن مشكلة المشاكل في الزمن ده بالذات إلا من رحم الله سبحانه وتعالى إن الأغلب الأمهات، بكل أسف انشغلوا بتجهيز البنت وعفش البنت، والقطن والصيني والمطبخ

والفرش والستائر ونسيت، تعلم بنتها الطبيخ.. فتروح بنتها تتزوج وزجها الله يكون في عونه تقعد تعمله ديناميت.. تخترع له وتعلمه بتاع ده بعزق مش عارف إيه وتفشحط

الفشاحيط المهم الراجل يعني الله يكون في عونه يعمل اختبارات، يجيله بعد كده القولون والقرحة في المعدة والإثنا عشر والبنكرياس يبوظ.. والكبد يضرب.. يا أمهاتنا ربنا

يبارك فيكم بنتك أعدي علميها شوية ربنا يجعلها في ميزان حسناتك علميها وهي عندها عشر سنين.. تعالي يا حبيتي أأقفي معايه في المطبخ.. اسلقي البيض اغلي اللبن بعد

كده دخليها في شوية ملخية رز علميها عشان لما تتزوج تستر في بيتها ميبقاش الراجل قاعد مع زوجته وباعت، يجيب أكل من برة بخمس الآلاف جنيه طول الشهر.. أكل كله

من برة ويجيله القولون الأكل من برة مهما كان مش هايكون في نظافة البيت، لكن في المقابل الزوج ماتقعدش تتريق على زوجتك.. هي لسه متعلمة جديد ولسه متحملة

مسؤولية بيت من جديد.. فعملت الأكل على قدها إيه رأيك في الأكل يا حبيبي تسلم إيديك يا حبيبي الله يبارك في عمرك، جزاكي الله خيرا، أحسن الله إليكي، بالأسلوب الجميل

كده لو عايز تغير حاجة بشكل حلوا حبيبتي ربنا يبارك فيكي بس المرة دي ربنا يبارك فيكي أبقي أتوصي بس بالبتاعة الفلانية دي، لكن الأكل ما شاء الله هو بس شوية الملح

بس تمام المرة اللي بعدها حبيب قلبي بس تقلي بس الملوخية عشان بس كانت طالعة خفيفة لكن والله تسلم إيديك.

http://www.yesmeenah.com/smiles/smiles/38/1%20(143).gif (http://www.yesmeenah.com)

لو الزوجة تزينت لك أوعى تتريق عليها.. آه في زوجه بسيطة وفي وحده ما شاء الله كانت ست صالونات، ويعين بتظبط نفسها وعارفه بتستعمل مكياجها طبعا لزوجها في

الحلال.. في واحدة مسكنية ماتعرفش تعمل الكلام ده خالص لو جات، تحط مكياج تلاقي حطة أحمر في خدودها مثلا وحط أزرق في أسنانها.. ماتخفش خليك راجل والمهم يعني

وممكن واحدة ماتعرفش تستخدم بقى المكياجات خالص فتبدي تستعمل حاجات طبيعية تيجي سيادتك من بره تلاقي زوجتك نايمه كده وحطه على خدها بيض وزبادي وخيار يعني

بقت صلطة.. المهم أنت ماتتريقش عليها برده سيبها تعمل اللي هي عايزاه.. وقل لها ما شاء الله وشك منور ربنا يبارك فيك ده أنت من غير أي حاجة دا أنت زي الأمر أنت لا

محتاجة مكياج ولا أي حاجة.. إديها الثقة في نفسها.

الزوجة تنبسط جدا جدا وأنا قلت لك قبل كده حبيبي لو تفتكر قلت لك المرأة عاطفية أقل كلمة حبيبي تفرش لك الأرض ورد.. والكلمة الثانية تعبيك في أكياس أنا خيف عليك

يعني إيه خد بالك ربنا يبارك فيك،

http://www.yesmeenah.com/smiles/smiles/38/1%20(143).gif (http://www.yesmeenah.com)

أنا سعيد جدا إني أسمع زوجه وقاعدة مع زوجها وتقول له أنا مستعدة إني أنا أظبط كل حاجة.. بس أنت أؤمر واصبر علينا شوية، جميل قوي إن الزوجة تصبر على زوجها

والزوج تصبر على زوجته أخويا وحبيبي الله يبارك فيك يا رب أنت كزوج وهي كزوجة لازم نقبل بعض على عيوبنا.. كلنا أصحاب عيوب يا جماعة أوعى تفتكر إن حد فينا

كامل.. أوعى تفتكر اللي قاعد أمامك ده عمال يكلمك عن الحب في البيوت والمثالية ده كلها إني أنا ممكن أكون مثالي كلنا عيوب يا جماعة مافيش حد معصوم إلا حبيبك صلى

الله عليه وسلم.. لكن بنقبل لبعض بنقف عند منطقة الوسط بمعنى أنا أتغاضى زوجتي فيها كم ميزة خمس ميزات وعيبين العيبين دول أقدر أتغاضى عنهم وأبص للميزات ..

وأنا زوجي فيه ثلاث عيوب وفيه سبعة مزايا أبص للسبع مزايا وأترك العيوب أخويا وحبيبي ربنا يبارك فيك يا رب العالمين أنا سعيد جدا إني زوجتك بتقول لك إني اللي أنت

تأمر بيه هعمل بس تصبر عليه وإحنا بنوصيك إنك تصبر عليها؛؛ لأن هذا وصية نبينا صلى الله عليه وسلم تخيل أخونا ربنا يبراك فيك لو النبي أمامك الآن يقول لك خد بالك

من مراتك، هتقول له إيه طبعا ده في عيني طيب هو قالها لك قال لك الله الله في النساء وقال لك: خيركم خيركم لأهله وأنا خيركم لأهله ربنا يبارك لك فيها ويباركلك فيه،

ويملي بيتكم وبيت كل المشاهدين اللي شايفنا وسامعنا دلوقتي يملى بيوتكم يا رب بالسعادة والمحبة والمودة والله العظيم بنتمنى والله إن ربنا يملى بيوت المسلمين بالسعادة

والمودة وبيوت المسلمين فعلا مليانة سعادة بس إحنا أحيانا لا نحس بقدر النعمة اللي أمامنا ومش حسين بالسعادة.

http://www.yesmeenah.com/smiles/smiles/38/1%20(143).gif (http://www.yesmeenah.com)

إحنا بنقول يا جماعة السعادة بفضل الله قريبة جدا مننا.. إحنا فاضل لنا دقيقة بالضبط ونخلص إن شاء الله السعادة قريبة جدا مننا، ويا ريت كل ما الزوج والزوجة كل ما

يجتمعوا على الطاعة لذلك العنصر اللي جاء الحلقة اللي جاية أو حاجة الحفاظ على دينها ووقياتها من النار ده بفضل الله سبب رجوع السعادة مرة ثانية للبيوت، حبيبي ربنا

يبارك فيكم بحبكم في الله.. أتمنى أن نكون سعدنا مع بعض بلقاء النهارده وإن كنا مقلناش حجات كتير.. لكن أنا مابحبش أن أحرمكم من المشاركة ..

ونسمع نبض البيوت عامل أزاي عشان نقدر نتعايش معكم ونقدر نحل كل المشاكل دي ونرجع مرة ثانية يرجع الحب مرة ثانية للبيوت.

أسأل الله عز وجل أن يملأ بيوتكم بالمحبة المودة.. وأن يؤلف بين قلوب المسلمين أجمعين وأن يزوجكن فتيات المسلمين.. ويزوج كل شاب مسلم.. جزآكم لله خيرا.. بحبكم في

الله.. سبحانك اللهم وبحمدك أشهد أن لا إله إلا أنت، أستغفرك وأتوب إليك.. وصلى الله علي نبينا محمد وعلى آله وصحبه وسلم.. والسلام عليكم ورحمة الله وبركاته .

كنتم مع برنامج " الطيبون والطيبات "

للداعية / محمود المصرى

قناة الرسالة

ام شعبان

20-05-2008, 01:02 PM

http://www.islamonaa.com/images/salam2.gif

مشكوره اختي ام الايهم علي موضوعك فهو مهم جدا بالنسبه للمراه

وانا بالنسبه الي الشيخ الداعيه محمود المصري من المعجبين له كثير

ومتابعه حلقاته دايما وخصوصا حلقات الي بتتعلق للاسره لاني كثير بتعلم منها

والانسان قد ما يعيش لازم يقبل النصائح وتجارب الغير وباحب اسمع سيرة الرسول

ِ(صلي الله عليه وسلم ) ونتعلم من الحبيب كل ما نحتاج الحمد لله

http://www.islamonaa.com/vb/uploaded/arwa/50308904dd.gif

تجويد

20-05-2008, 04:11 PM

http://www.islamonaa.com/images/salam2.gif

بارك الله فيك اختي موضوع مهم جدا وبرنامج جميل ومفيد

حفظ الله الشيخ محمود المصري اسلوبه جميل وبسيط ومواضيعه دائما هادفة

ادام الله الحب والسعادة عامرة في بيوتكم

اختي الفاضلة http://www.islamonaa.com/vb/uploaded/81a1ca5f63.gif

http://www.islamonaa.com/vb/uploaded/arwa/50308904dd.gif

راجيه الله.العاشقة لليبيا

20-05-2008, 07:13 PM

http://www.islamonaa.com/images/salam2.gif
اين هم الطيبون
اول اسباب عزوفى عن الزواج لم اجد امامى اى علاقه زواج ناجحه بمعنى الكلمه علاقه يسودها حب واحترام وموده
علاقه خاليه من اساليل القهر والظلم
علاقه اامر ومامور
اين هم الطيبون .;....وياالله بعدين فيه حد يكره
مشكوره اختى وانا ايضا من المتتبعين للداعيه محمود المصرى ونحبه فى الله
http://www.islamonaa.com/vb/uploaded/arwa/5d5cf1569c.gif

أم لادن

20-05-2008, 10:58 PM

http://www.islamonaa.com/images/salam2.gif http://www.islamonaa.com/vb/uploaded/arwa/50308904dd.gif

جوزيتى خيرا كلام الشيخ محمود المصرى جميل بس وين الراجل الى يعمل هيك وكمان وين الست الى تعمل هيك عشان ما نظلم الرجال

العنادة ماكله الجو والعتب على بعدنا عن الدين وكمان التفاهم باحكى لاختى الليبية بس مو معنا الكلام انك ما تتزوجى هاى سنة الحياه

مو كلها عسل ولا كلها بصل الانسانة السوية والمتفاهمة والتقية تستطيع ان تجعل بيتها جنة الله يرزقك بلى يفهمك يارب

أم الأيهم

25-05-2008, 08:57 AM

أم الأيهم

06-06-2008, 07:02 AM

متفائلة في زمن اليأس

06-06-2008, 07:19 AM

http://www.islamonaa.com/vb/uploaded/arwa/5d5cf1569c.gif